Lajme

​Shtëpia e Bardhë jep lajmin e fundit për gjendjen e Trump me COVID-19

0
zbulohet-lende-helmuese-ne-zarfin-qe-i-ishte-drejtuar-shtepise-se-bardhe

Në një deklaratë për Fox News, Meadows tha se një ekip mjekësor do të vlerësonte gjendjen e Trump gjatë mëngjesit.

“Ne mbetemi optimist se ai do të jetë në gjendje të kthehet në Shtëpinë e Bardhë më vonë gjatë ditës,” tha ai.

Trump postoi gati 20 ‘cicërima’ në mëngjes herët, kryesisht për zgjedhjet presidenciale të nëntorit.

Disa aspekte të sëmundjes së tij mbeten të paqarta. Mjekët raportuan se ngopja e tij me oksigjen në gjak kishte rënë dy herë dhe se ai kishte marrë oksigjen të paktën një herë.

Mjeku i tij Sean Conley tha se Trump merr një steroid që zakonisht jepet në raste të rënda dhe pesë ditë terapi me ilaçin antiviral remdesivir. Atij gjithashtu iu dha një koktej antitrupi.

Trump u vendos në Spitalin Ushtarak Walter Reed jo shumë larg Uashington të premten. Të dielën, ai doli për pak kohë nga spitali për të përshëndetur mbështetësit e mbledhur përpara spitalit.

Trump shpesh nuk mbante maskë në publik dhe merrte pjesë në tubime të mëdha. Është konfirmuar të jetë pozitiv të enjten, dhe vetëm disa orë më parë ai kishte marrë pjesë në një mbledhje fondesh në Nju Xhersi.

Lexo të tjera