Rozë

Aktorët kërkuan trupë rezidente në teatrin e qytetit, reagon Shpend Ahmeti

0
aktoret-kerkuan-trupe-rezidente-ne-teatrin-e-qytetit,-reagon-shpend-ahmeti

Ditët e fundit, aktorët kanë kërkuar që të zgjedhet trupa rezidente për teatri e qytetit, shkruan lajmi.net.

Pas gjithë kërkesave që janë drejtuar në adresë të tij, ka reaguar kryetari Shpend Ahmeti përmes një postimi në Facebook.

Ai thotë se është e pakuptueshme se si të gjitha qytetet kanë trupa rezidente dhe teaotro të qytetit, kurse Prishtina ‘harrnohet’ me gjysmë pagesa për çdo vit në Dodonë.

Ahmeti shton se buxheti për këtë është, vetëm se po kërkohet të lejohet numri shtesë i të punësuarve.

KY ËSHTË POSTIMI I PLOTË I SHPENDIT, PA NDËRHYRJE:

“Këto ditë kam marr disa mesazhe nga aktorët për Teatrin e Qytetit. Ata kanë të drejtë.

Është totalisht e pakuptueshme se si të gjitha qytetet e mëdha në Kosovë kanë trupa rezidente dhe teatro të qytetit ndërsa Prishtina duhet të harrnohet me gjysëm pagesa vit për vit në Dodonë.

Problemi është i thjeshtë. Ne kemi buxhet, ne nuk po kërkojmë asgjë nga niveli qëndror, përpos të na lejojnë numër shtesë të punësuarve në Dodona. Për këtë kam dërguar disa shkresa në Ministri të Financave.

Çdo buxhet i Kosovës për çdo institucion të Kosovës e ka të caktuar buxhetin per Paga, NUMRIN e punëtorëve në çdo departament dhe këto nuk na lejojnë ti lëvizim.

Sivjet na kanë lejuar 5 vende shtesë por kjo nuk mjafton për trupë rezidente. Nuk duam gjysmë zgjidhje.

Në takimin që kam patur me Ministren e Financave, Hykmete Bajrami dhe Zv Ministrin Agim Krasniqi para një muaji, prapë na është thënë e njejta gjë.

Megjithatë, ne kemi vendosur të bëjmë lëvizje të brendshme. Në buxhetin e vitit 2021, pra prej janarit do të bëjmë rregullime të brendshme për të lejuar më shumë pozita për trupë rezidente të Prishtinës. Synimi është 20 artistë rezidentë.

Konkursin do ta bëjmë të hapur dhe transparent. Titullin e artistit rezident do ta bëjmë pozitë të arritshme për artistët ndër më të mirët”.

Kujtojmë se në mesin e aktorëve që dërguan kërkesë publike për Ahmetin, ishte edhe Naser Rafuna, i cili iu dejtua publikisht me një postim në Facebook. /Lajmi.net/

Lexo të tjera