Sport

Beqiri e Krasniqi drejtuan me sukses ndeshjen e Ligës së Kampionëve

0
beqiri-e-krasniqi-drejtuan-me-sukses-ndeshjen-e-liges-se-kampioneve

Të shtunën ndeshje të rëndësishme të Ligës së Kampionëve për hendbolliste kanë drejtuar dy gjyqtarët kosovarë të hendbollit, Eshref Beqiri e Ilir Krasniqi. Ata për herë të parë kanë drejtuar ndeshje të garës elitare evropiane, ndërsa punën e kanë kryer me sukses të plotë
.
Beqiri e Krasniqi ishin gjyqtarë në ndeshjen në mes të skuadrës kroate, HC Podravka Vegeta dhe asaj gjermane, Borussia Dortmund. Ndeshjen e fortë dhe interesante e fitoi skuadra gjermane, Borussia Dortmund me rezultatin 26:25.

Ndeshja është luajtur në Koprivnica të Kroacisë.

Beqiri e Krasniqi për delegate e kishin Arijana Vojiqin nga Bosnjë-Hercegovina.

Ndeshja ishte e xhiros së tretë të grupit B të Ligës së Kampionëve.

Gjyqtarët kosovarë edhe më herët këtë edicion kanë drejtuar ndeshje të kupave evropiane. Delegime të shumta priten në vazhdim të edicionit, si shenjë e avancimit të vazhdueshëm të anëtarëve të FHK-së. /Lajmi.net/

Lexo të tjera