Sport

Edi Rama takohet me Lirim Zendelin: Fiksojeni mirë këtë emër, do të ngjitet në podiumin e Formula 1 me flamurin e Shqipërisë

0
edi-rama-takohet-me-lirim-zendelin:-fiksojeni-mire-kete-emer,-do-te-ngjitet-ne-podiumin-e-formula-1-me-flamurin-e-shqiperise

Zendeli, që ka lindur në Gjermani, ka origjinë shqiptare dhe është një nga pilotët më me prespektivë në sportin plotë adrenalinë.

20-vjeçari aktualisht garon në Formula 3, por me talentin që posedon shumë shpejt mund ta shohim në mesin e më të mirëve.

Rama ndërkohë e ka lavdëruar tejmase Zendelin në takimin e zhvilluar sot, duke thënë se ai do të jetë nën flamurin e Shqipërisë gjatë viteve të ardhshme dhe do të shkëlqejë në Formula 1.

Statusi i plotë i Ramës pa ndërhyrje:

”Fiksojeni mirë këtë të voglin këtu dhe mbajeni mend, sepse një ditë do ta shihni mbështjellë me flamurin e Shqipërisë në podiumin e fituesve të Formulës 1

Ky është Lirim Zendeli, shqipe nga Maqedonia e Veriut, lindur në Gjermani, fitues në Formula 4 e në Formula 3 dhe sezonin e ardhshëm garues në Formula 2

Më vizitoi sot për të biseduar me mua për planet e të ardhmes dhe më ka mbushur zemrën plot me kënaqësinë që më dha karakteri i tij mbresëlënës

Forca vëllaçko, Zoti i Shqiptarëve qoftë me ty deri në finish”. /Lajmi.net/ 

 

Lexo të tjera