Teknologji

Facebook dhe Instagram një hap më afër bashkimit, një opsion i ri po testohet

0

Përdoruesit e Instagram kanë qenë në gjendje të ndajnë historitë e tyre në llogarinë e tyre në Facebook për disa kohë. Tani është hedhur një hap tjetër drejt bashkimit të këtyre dy platformave.

Disa përdorues kanë vërejtur se, ndërsa shfletojnë Facebook, ata gjithashtu mund të shohin historitë e miqve të tyre në Instagram, transmeton Telegrafi.

Ky është një tipar i ri që aktualisht është i kufizuar në një numër të vogël të njerëzve për shkak se njëherë është duke u testuar, por nëse rezulton i dobishëm, mund të jetë i disponueshëm për të gjithë, shkruan Engadget.

Si do të bëni dallimin midis historive në Instagram dhe Facebook? Është e thjeshtë – historitë në Facebook do të kenë një ngjyrë blu dhe ato të Instagram do të ketë një ngjyrë portokalli.

Sa i përket privatësisë, Facebook theksoi se nuk ka pse të shqetësohemi, sepse akoma vetëm ata që mund të shohin historinë tuaj në Instagram, mund ta bëjnë këtë nga “Facebook”, dhe në të njëjtën kohë ata duhet ta aktivizojnë manualisht këtë mundësi.

Ata që nuk ju ndjekin në Instagram, pra, nuk mund t’i shohin historitë askund.

Lexo të tjera