Fun

FITOI NË LOTARI MBI 60 MILIONË EURO, PARAQITET PËR TA MARRË ÇMIMIN NË MOMENTET E FUNDIT

0

Fituesi i xhekpotit të lotarisë në vlerë 58 milionë funte (rreth 63 milionë euro) është paraqitur për të marrë çmimin në momentet e fundit, shkruan “Daily Star”.

Këtë e ka konfirmuar edhe zëdhënësja e Camelotit.

“Ne mund ta konfirmojmë se aktualisht jemi duke finalizuar verifikimin e një kërkese të bërë për pranimin e çmimit dhe jemi në proces të aranzhimit të pagesave për t’u bërë për pronarin e tiketës fituese. Kur çdo gjë të verifikohet dhe paguhet, ne do ta lëshojmë një konfirmim”, është thënë nga zëdhënësja.

Tiketa fituese është bërë në South Ayrshire të Skocisë për “EuroMillions” qysh më 17 mars. E diela, 13 shtatori, ishte dita e fundit për të dalë para me biletën fituese, përndryshe shifra do të shkonte në bamirësi.

Çmimi ishte paraparë të skadonte në ora 23:59 të dielën, por është paraqitur pronari i biletës.

Lotaria Nacionale më herët i ka bërë thirrje pronarit misterioz të tiketës që të dal para.

Lexo të tjera