Lajme

Gazetari austriak thotë se njëri nga terroristët e Vjenës është 20 vjeçar me prejardhje shqiptare

0

Një ngjarje e rëndë ka tronditur mbrëme botën. Një sulm i cili dyshohet të jetë terrorist ka lënë së paku të vdekur tre persona e dhjetëra të plagosur në Vjenë të Austrisë.

Derisa 4 nga sulmuesit janë kapur nga policia, një tjetër është qëlluar për vdekje.

E, një gazetar i njohur austriak, Florian Klend, një nga hulumtuesit më të mirë medial në Vjenë, ka bërë një postim në Twitter, duke thënë se një nga terroristët është me prejardhje shqiptare, transmeton Indeksonline”.

“Tani kam hulumtuar disa detaje rreth terroristit. Emri i tij është Kurtin S., i lindur në 2000, ishte 20 vjeç, u lind dhe u rrit në Vjenë dhe ka rrënjë shqiptare. Prindërit e tij vijnë nga Maqedonia e Veriut dhe nuk bien në sy kur bëhet fjalë për Islamizmin”, shkruan hulumtuesi.

Klenk thotë se ai ishte një nga 90 islamistët qe deshën të shkojnë në Siri, porse ishte penguar të shkojë.

Ende s’ka informacione të sakta se kush ishte organizator dhe drejtues i këtij terrori./Indeksonline

 

 

 

Lexo të tjera