Lajme

Gjinushi: Lufta në Hagë s’është e thjeshtë, aktakuzat janë politike

0
gjinushi:-lufta-ne-hage-s’eshte-e-thjeshte,-aktakuzat-jane-politike

Ai tha se akuzat e ngritura janë politike dhe se po bëhet një luftë deformimesh nga shtetet që nuk e përkrahin Kosovën.

Gjinushi: Lufta për deformime nuk është një luftë e thjeshtë sepse ka të bëjë me interesa të mëdha politike, me gjeopolitikën e shteteve të mëdha. Dhe siç dihet jo të gjithë  përkrahin Kosovës. Kështu që u arrit që të ngrihet një akuzë, mbi akuzën e krimeve të luftës që është  dhe akuza për trafik organesh.

Dhe këto u bënë nga një institucion politik Këshilli i Evropës është institucion politik. Pra për akuzat e këtij lloji dhe raportet e këtij lloji qëndrimet janë politike, nuk janë sesi është e vërteta. Pra është shumë e dyshimtë. Aq më tepër që akuza kryesore dhe e re dhe monstruoze dhe që e legjitimoi kërkesën për ngritjen e një gjykate tjetër pas gjykatës së  Hagës ishte pikërisht trafiku i qenieve njerëzore.

Duhet të kuptojmë që në çdo veprim dhe kur nisesh të vendosën një të drejtë shkel një tjetër. Të rihapesh një çështje pas gjykimit të gjykatës së Hagës që është një nga institucionet më prestigjioze për  krimet e luftës,  duhet një shkak shumë madhor dhe u sajua shkaku madhor. Një prove re e pa hetuar me akuzë që provat janë fshehur dhe me akuzën që  është mbrojtur nga NATO dhe faktori ndërkombëtar. Pra ata nuk i kanë parë njësoj krimet e Serbisë me krimet e UÇK.

Kështu që kjo ishte një nga arsyet pse komuniteti ndërkombëtar dhe miqtë e Kosovës kërkuan që të ngrihej kjo Gjykatë gjithmonë me idenë që kjo akuzë do binte. Dhe ajo ra që pa filluar puna. Që në aktakuzën kryesore që u ngrit nuk ekziston më.

Gjinushi tha se kur formulohet që është një ndërmarrje kriminale, nuk mund të thuhet  që lidershipi është një ndërmarrje kriminale por ndërkohë ka drejtuar një formacion çlirimtar.

Lexo të tjera