Lajme

Ishte grumbulluar që nga 2018, Posta shlyen borxhin prej 1.6 milion eurove ndaj ATK-së

0
ishte-grumbulluar-qe-nga-2018,-posta-shlyen-borxhin-prej-1.6-milion-eurove-ndaj-atk-se

Kjo është bërë e ditur me anë të një komunikate për media nga Posta e Kosovës, shkruan lajmi.net.

Me përmbushjen e parakohshme të obligimeve ndaj ATK-së, Menaxhmenti i Postës së Kosovës ka  arritur sukses për të shmangur gjobën prej afro 130 mijë euro, që do ta dëmtonte dukshëm Postën e Kosovës në këtë kohë krize.

Ky borxh ndaj ATK-së është grumbulluar nga viti 2018 deri më 2020, kur Posta udhëhiqej nga kryeshefa të tjerë ekzekutiv dhe borde të tjera të drejtorëve, në kushte të operimit normal, por që ishte grumbulluar dhe bartur vit pas viti duke u bërë barrë e rëndë për Postën, në kohën më të vështirë të pandemisë.

“Kryeshefi Ekzekutiv Xhevdet Smakiqi për këtë sukses të arritur, sot e ka njoftuar Bordin e Përkohshëm të Drejtorëve, në mbledhjen e mbajtur, ndërsa ka falënderuar për kontributin e tij, u.d ZKFTH, Enver Govori dhe secilin anëtar të menaxhmentit”, thuhet në komunikatë.

Gjithashtu, Kryeshefi Ekzekutiv kafalënderuar Bordin e Përkohshëm për mbështetje, si dhe të  gjithë punonjësit të cilët kanë duruar edhe vonesat e pagave në dobi dhe interes të stabilizimit financiar të Postës së Kosovës.

Posta e Kosovës është e përkushtuar si kurrë më parë të rrisë të hyrat vetanake , si dhe të zgjeroi shërbimet ndaj klientëve të saj: Shpejt, Sigurt dhe Lirë.

Sukseset e mëdha  janë të mundshme edhe në kohë pandemie! . /Lajmi.net/

Lexo të tjera