Lajme

Koalicioni aktual qeverisës është i paaftë për ta zgjedhur presidentin – thotë Hoti

0
Kryeministri i Kosovës, Avdullah Hoti ka thënë se koalicioni qeverisës nuk mund ta zgjedh presidentin pa partitë e tjera, edhe pasi presidentit aktual, Hashim Thaçi t’i kalojë mandati.

Gjatë konferencës për medie, Hotit iu kërkua të komentonte deklaratën e partnerit të tij të koalicionin, Ramush Haradinaj në lidhje me zgjedhjen e presidentit, por ai nuk pranoi të fliste për këtë.

Në anën tjetër, Hoti tha se është shumë e qartë se ky koalicion qeverisës nuk mund ta zgjedh presidentin pa partitë tjera edhe pas shkurtit të vitit të ardhshëm, kur edhe i përfundon mandati Thaçit.

“Nuk kam koment për këtë të dytën, Presidenti është në zyrë, në bazë të kompetencave të veta kushtetuese, kur të vjen shkurti do të ulemi e të gjejmë një zgjidhje bashkë me gjithë spektrin politik e ta zgjidhim këtë çështje. Një gjë është e qartë që ky koalicion vetëm nuk mund ta zgjedh presidentin, por duhet të ulemi të gjithë përtej koalicionit e ta zgjidhim këtë çështje”, tha Hoti. /Telegrafi/

Lexo të tjera