Lajme

Nga 1,028 testime në 24 orët e fundit, pozitivë me COVID-19 janë 148

0

Ministri i Shëndetësisë, Armend Zemaj, ka njoftuar se janë kryer 1,028 teste për COVID-19 dhe nga to, 148 kanë rezultuar pozitivë.

Ai njofton se asnjë i vdekur nuk është shënuar në 24 orët e fundit.

Ndërkaq, minuta më pas një gjë të tillë e ka konfirmuar edhe Instituti Kombëtar i Shëndetësisë Publike.

Zemaj përmes një statusi në Facebook ka bërë thirrje për institucionet qendrore e lokale që t’i “ndalin urgjentisht seminaret, punëtoritë dhe format e tjera të organizimit ku ka grumbullim njerëzish, sikurse edhe veprimtaritë e ndryshme, të panevojshme”.

Ai ka njoftuar se po vazhdojnë testimet edhe nëpër shkolla në nivel vendi.

“Deri më sot, 410 shkolla janë testuar, 10 prej tyre me rekomandim të IKSHPK-së kanë kaluar nga skenari A në skenarin C. Këtë javë, tri nga to kanë kaluar në skenarin C”, ka shkruar Zemaj.

Lexo të tjera