Lajme

Njëri nga të plagosurit në Pejë, është familjar i Ramush Haradinajt

0

Dy persona janë plagosur sot në Pejë afër fakultetit të Biznesit, e i dyshuari ende është në arrati. Njëri nga të plagosur mësohet se është familjar i kreut të AAK’së, Ramush Haradinajt.

Kallxo.com raporton se i plagosuri Ahmetxhekaj është nip i familjes Haradinaj. Apo ndryshe, i plagosuri është nipi i Hilmi Haradinajt, babai i ndjerë i Ramush Haradinajt.

Haradinaj tregon se si ka punuar punë fizike në Zvicër gjatë viteve të rinisë

Zëdhënësi i Prokurorisë Themelore në Pejë, Shkodran Nikçi, ka thënë gjatë ditës se janë ndërmarrë të gjitha veprimet e nevojshme për kapjen e të dyshuarit.

“Prokurorja e Krimeve të Rënda ka dalë ne vendin e ngjarjes pas të shënave me armë zjarri në Pejë. Janë duke u ndërmarrë të gjitha veprimet për kapjen e personit të dyshuar”, tha Nikçi.

Sipas mjekëve të plagosurit ndodhen jashtë rrezikut për jetë, ndërsa njëri prej viktimave ishte kalimtar i rastit.

Rastin e ka konfirmuar zëdhënësi i Policisë për Rajonin e Pejës, Fadil Gashi.

“Rreth orës 12:20, në afërsi të fakultetit të Biznesit në Pejë, janë plagosur dy persona, njëri nga ta kalimtar i rastit. Të dy janë derguar në spital dhe ndodhen jashtë rrezikut për jetën. Njësitët kompetente po merrem me trajtimin e rastit, akoma nuk ka informacione për ndonjë të arrestuar”, ka thënë Gashi (BS)

Lexo të tjera