Lajme

OAK përshëndetë vendimin për liberalizim të tregut të punës ndërmjet Kosovës dhe Shqipërisë

0
oak-përshëndetë-vendimin-për-liberalizim-të-tregut-të-punës-ndërmjet-kosovës-dhe-shqipërisë

Lidhur me këtë barrierë të të bërit biznes, përfaqësues të OAK – së kanë realizuar edhe një takim me Ambasadorin e Shqipërisë në Kosovë, Qemail Minxhozi, ku ngritën rëndësinë e liberalizimit të tregut ndërmjet dy shteteve pasi që bizneset janë duke hasur disa sfida në këtë aspekt.

Në letrën të cilën OAK i drejtoi dy Kryeministrave shqipëtarë u kërkua që të ndërmerren masat e nevojshme për lehtësimin e këtyre procedurave që qytetarët e shtetit Shqipëtar të regjistrohen në sistemin tatimor të Kosovës si të punësuar të barabartë në tregun tonë, duke kërkuar që ky problem të vihet në tavolinën e bisedimeve të dy Qeverive që u mbajt me datën 2 Tetor.

OAK përshëndet trajtimin e kësaj çështje dhe marrjen parasysh të kërkesës së drejtuar për eleminimin e këtyre barrierave dhe liberalizimin e tregut të punës në mes të Kosovës dhe Shqipërisë.

OAK kërkon nga Qeveria e Kosovës dhe Shqipërisë që këto marrëveshje të vëhen në praktikë sa me shpejtë, ashtu që efektet e tyre të vërehen sa më parë. /Lajmi.net/

Lexo të tjera