Sport

Sigal Prishtina i shpëton rënies dhe futet në “Play Off” me Bashkimin

0
sigal-prishtina-i-shpeton-renies-dhe-futet-ne-“play-off”-me-bashkimin

Sigal Prishtina ka shënuar fitore shumë të rëndësishme ndaj Bashkimit 89:82 (22:13, 23:22, 23:28, 21:19), në kuadër të xhiros së 28-të në FIVE STAR Superligën e Kosovës në basketboll.

Të dy skuadrat u kualifikuan në Play-off, pasi kanë nga 39 pikë, aq sa Trepça, por kur tri skuadra kanë pikë të barabarta, atëherë shikohen ndeshjet direkte mes tri skuadrave.

Prishtina renditet në vendin e pestë, Bashkimi në vendin e gjashtë dhe Trepça do të luajë në “Play-out” me finalistin e Ligës së Parë.

Sa i përket ndeshjes, bardhekaltrit e nisën shumë më mirë, duke pasur epërsi, derisa çerekun e parë e fitojnë 22:13.

Bardhekaltrit kishin epërsi deri në 20 pikë, 38:18, por mysafirët me një seri të suksesshme në minutën e fundit të pjesës së parë ngushtuan shifrat në 45:35.

Prishtinasit ishin në epërsi konstante në periodën e tretë, por prizrenasit sërish në minutën me një seri prej 5:0, ngushtuan shifrat në 68:63, aq sa ishte rezultati në semafor pas 30 minutash. Prishtina menaxhoi epërsinë në 10 minutat e fundit për të triumfuar 89:82.

Te Prishtina u dallua Tevin Mack me 38 pikë, kurse te Bashkimi u dalluan Obinna Oleka me 22 pikë e 11 kërcime dhe Julian Hamati me 14 pikë e 11 kërcime./Lajmi.net/

Lexo të tjera