Lajme

Specialja mohon se prokurori i saj dha dorëheqje për shkak të dosjeve, thotë se ai u angazhua diku tjetër

0
specialja-mohon-se-prokurori-i-saj-dha-doreheqje-per-shkak-te-dosjeve,-thote-se-ai-u-angazhua-diku-tjeter

Kwai Hong Ip, zëvendëskryeprokuror i Speciales, është raportuar dje se ka dhënë dorëheqje nga ky organ i drejtësisë me seli në Hagë. Arsye për këtë veprim të Ip, thuhet të jenë dosjet e Speciales, të cilat një person ende i panjohur, i ka dërguar në selinë e Organizatës së Veteranëve të Luftës, shkruan lajmi.net.

Këto dosje, thuhet se mbajnë emra të dëshmitarëve të mbrojtur dhe gjithashtu dëshmitë e tyre, teksa konsiderohet me rrezikshmëri të lartë fakti që të njëjtat tanimë janë në dorën e personave të tjerë, jashtë këtij institucioni.

Mirëpo, nga Prokuroria e Specializuar e Hagës po e mohojnë se arsye e dorëheqjes së Prokurorit IP, janë dosjet e rrjedhura nga Specialja.

Në një përgjigje për lajmi.net, zëdhënësi i Dhomave të Specializuara, Christopher Bennet, ka thënë se prokurori në fjalë ka marrë një ofertë për punë diku tjetër, dhe para disa kohësh.

“Sa i përket çështjes së zotit IP, ai ka pranuar një ofertë pune para disa kohës, dhe ka vendosur që të lë Dhomat e Specializuara të Prokurorisë. Ai tani punon në një institucion tjetër. Ai nuk ka dhënë dorëheqje tani”, thuhet në përgjigjen e Speciales për lajmi.net.

Organi ndjekës i Hagës ndërkaq mbetet në heshtje totale sa i përket çështjes së dosjeve të rrjedhura nga ky institucion, të cilat kanë rënë në dorën e OVL-UÇK-së, e më pas edhe të individëve të tjerë.

Për të dytën herë më radhë, dokumente që dje është konfirmuar se i përkasin Speciales janë dërguar nga persona ta panjohur në selinë e Organiztës së Veteranëve të Luftës.

Që të dyja herë, hetues të Speciales i kanë marrë këto dosje nga selia e OVL-së.

Këta të fundit, në lidhje me këtë çështje tanimë kanë autorizuar avokatin Tomë Gashi. /Lajmi.net/

Lexo edhe:

Konfirmohet: Dosjet që u dërguan në OVL UÇK janë të Speciales

 

Lexo të tjera